Muzeu Arkeologjik në Durrës në proces restaurimi

Puna për trashëgiminë kulturore nuk ka ndaluar për asnjë moment, pavarësisht periudhës së pandemisë në të cilën po jetojmë. Kjo është njoftuar nga ministrja e Kulturës, Elva Margariti, që bën me dije se punonjësit e restauratorët e Qendrës Muzeore Durrës janë përfshirë në procesin e pastrimit dhe të mirëmbajtjes së koleksioneve muzeale. 

“Ndonëse po kalojmë ditë të vështira, puna për ruajtjen e trashëgimisë sonë kulturore nuk ka ndalur për asnjë moment.
Punonjësit dhe restauruesit e Qendrës Muzeore Durrës janë përfshirë në procesin e pastrimit dhe mirëmbajtjes së koleksioneve muzeale dhe të të gjitha objekteve të trashëgimisë. Shpresoj që në sezonin e ardhshëm, skulptura e rrallë e Geas, perëndeshës së Tokës, që po i nënshtrohet pastrimit, të presë e të përcjellë vizitorë në Muzeun Arkeologjik të Durrësit, por edhe në destinacionet e shumta kulturore të këtij qyteti-port”, shkruan ajo në rrjetet sociale.

Muzeu Arkeologjik i Durrësit u hap më 13 mars 1951 në qytetin e Durrësit, dhe është një nga muzetë më të rëndësishëm në Shqipëri.

Më 13 Prill 2002 muzeu u rihap pas një rikonstruksioni rrënjësor. Pjesa më e madhe e muzeut përbëhet nga 3204 objekte që gjenden në vendin e lashtë të Dyrrhachium dhe përfshin një koleksion të gjerë nga periudha Greke e Lashtë, Helenistike dhe Romake.

Artifaktet kryesore përfshijnë stelat e funeralit romak dhe sarkofagët prej guri, dhe një koleksion prej bustesh miniaturë të Venusit, dëshmi për kohën kur Durrësi ishte një qendër adhurimi e perëndeshës.

GIF Image

LEAVE A REPLY

Please enter your comment!
Please enter your name here