1.
Pri anarga şi pri afriştea ca vărnă sazmă buisit cu asimi,
dicăt aua la noi ma intră toamnea umplut cu multi aveari,
şă s-tindi piuţido cu añorizmi soi di soi fără căpasiri pisti loc,
încăt oamñăl’i aşteargă sudorl’i din frămţ ş-măñil’i li gioc…
2.
Iuţido s-îľi aruţ ocl’i vă s-mutreaştă lucurtorl’i pit băhcei,
adunăndalui poamñăl’i, ţi s-coc ună dipi alată fără căpăsiri,
nu s-acurmu că toamnea îľi fănteaşti cu coaptăli poami a l’ei,
şi s-hărisească că avearea adunată easti fără bitisiri…
3.
Aua în aistă anotimp vrută, umplut cu ghineaţ ş-muşteaţ,
s-adară apreasăli numti ş-di toasli tu hora tută ciurteaşti,
gioc încor armâñ şi arbăneaş di nigă seară păn pri dămneaţ,
ambiteaţ di haraua a gioñuriloru la Pada di Încor luñineaşti.
4.
Aşi di cum vini, aşi năpoia ş-fudzi aistă anotimp pri afriştea,
di ea niţi unu di noi nu vrea si s-împărţămă cu chefi putei,
di alăxira a lor him strimţ s-armăneam fără ghineaţl’ a l’ei,
ti aţea ti pălăcărăsescu: “Tomnă, năpoia toarti la Patria a mea!…”
De: Ligor Thano
