Boați ți strigă

BALADĂ TI 12-AT DI GIOÑ GREVĂÑOȚ

(Partitipaț la Alumtea ti s-feti tu anlu 1920 la Amluana): 1.Coci Bardhi 2. lorghi Buzo 3.Tun Buzo 4. lovan Vito (loga) 5. Bani Truşi 6. Ilia Ndini 7. Monci Stefo 8. Tunci Stefo 9. Simon Sotiri 10. Costa Pacio 11. Mili Pacio 12. Stavri Pacio

1

Ti sunt aişt doispărdzat di călător încălcat pri cal’i alghi,

ti călărească arădz-arădz cu gioneticu ș-tufechili îmbrat,

sunt ațeal’i ma aleşl’i gioñ pisti gioñ alumtător gărvăñeat

cu tirchi di şăiac ș-tămbărli adăreat muşeat pănă di padi!?

2.

El’i călăreascu fără căpăsiri iuva pisti giadili uscaț di cărăoari,

ca nior s-scula păluru di străbăturl’i a cal’iurlor pi aştăratu a l’ei,

pit chisa a noaptilei di ciac-ciuculu a petrilor{34} a lor ascăpar scăntei,

luptătorl’i încălcaț cal’i a lor vărtoş ta s-ni aduțealibertati.

3

luțido ți întrec el’i măndăr nițiunu nu li cănoaşti a lor numi,

ma dipi fălambrulu aroş cu jgaboña lai cu dauă capti pisti năsă,

S-aducheascu că sunt alumtător ti neg s-amintă muşeata liberatati,

călărească dzuuă-noapti îndrept Amvluana ti scăpari scumpea Arbinişi.

4.

După trei dzăli agiumsără alumtătorl’i iu îli striga a patril’ei boață,

cu dimăndărl’i dit părinți a lor tu imni pitricută la el’i băr di bă,

îli aruncară tru amari duşmañăl’i aişt picurar gioñ cu tămbăr,

s-înveat hil’i si s-nu yină ma aua la noi că gioneța í fără soață.

5.

$-cățe călătorl’i s-încl’imea cu numă S-pronuma di a lor soi,

di arbăneaşl’i ş-arnmâñăl’i s-pătădzără cu nau numă alumtător,

gioneaț amintă pri duşmanulu că el’i alumtea ca mari liberator,

ți totna stătea lăgaț diadunu ca frat gioñ pisti gioñn ună soi.

6

Ş-cățe astădz nu băneadz nițiunu di voi alumtător aleş armâñ,

ma nu vă s-cheară putei bărbatoasl’i suflilt avoşt la împădz,

că vă s-poarti năpoia cu maru dor pit hil’ ş-stărnipoț la săndz,

că dimindărl’i a lor ambari ni strag s-imnăm pit dreapțăli căl’.

7

Ti ațea sflitlu a ñeu di poet apreasu ca vărnă foc mar cărmăgăr,

ñă bati tru inămă ca pi cudhră a ciocului pri hierl’i aroşăt,

ma voi cu dor tut s-vi l’eau diguş că hiț ali liberati sămțăr.

tu minduirăli a meali păn s-mor vă s-ñă s-curraț singur bunăț.

8

S-răspăndeaşti pit pādz, dzeañ, munt anălț ali Arbinişi,

muşatosi, gioneasți, armâneaştăli canți ti voi liberator:

Cai cu dor tri patria a lui da săndzăli cureaț ca apa di la şopor,

gioneticulu nu s-‘i u-agrişeaşti sta ca un monumet tu eti ti patri.

Di: Ligor Thano