Adzâ redacția armâneascâ umpli 30 di an’i di la prota emisie pi armâneaști.
Prota emisiuni radio pi armâneaşti fu pitricutâ tu eter tu dzua di 23 Marţu, anlu 1991, ti ascultâtorl’i dit zona Balcanicâ: Vâryâria, Gârţia, Serbia, Republica Machidunia di Nordu şi Albania.
Ninti cu-ndoi an’i, emisiun’ili a noasti ahurhirâ s-hibâ spusi pi Internet şi aşi, adzâ pot ta s-hibâ apruchiati di armân’il’i di iuţido.
Pareia noastrâ Aurica Piha redactor, Tașcu Lala redactor și Toma Enache redactor coordonator, cu aista furn’ie mindui s tin’iseascâ armân’il’i di tutâ lumea ți alumtarâ ili alumtâ ti cultura armâneascâ cu nâscanti diplomi.
Diplomi di excelență Post Mortem:
Mita Papuli, ca activistu tutâ bana ti Armânamea dit R. Makidunia di Nordu și di iuțido
Agapia Ciumkovska, ti scuterea tu migdani a culturâl’ei și limbâl’ei armâneascâ , cata cum și pricunuștearea ca limbă ufițialâ Krușuva
Toma Musa, ti tut lucurlu organizatoric tu ipotisea di Prezidentu a Sutsatâl’ei Armâneascâ dit Arbinișii cata cum și cântâtor a căntițlor ma vecl’i i cantautor a aților må noi, fapti cu miraki di elu.
Chirana Darlaiane,
ti tut ți feați ti andruparea juridicâ a suțatilor armânești
și a manifestarilor culturali armânești.
Toma Cardula di Krusuva-ti tut lucurlu ti Armanami, anyrapserili istoriți
Parascheva Petrovska – duruta și profesionista jurnalista di la redacția di televizie TV Scanteaua di Scopje, ti tută activitatea.
Diplomi di excelenta ti cultura armâneascâ:
Oana Mihaela Glasu – ti striduțearea pi Romana a cartil’iei al Thanas Medi
Thanas Medi, ti cartea”Ațel dit Soni zboru al Sucrat Buba”
Kira Manțu și Yioryi Exaryu ti Antologia di poezie armâneascâ apridusâ ti prota oară pi gârtseaști, Avigljtori di zboară
Nicolae Saramandu – ti tutâ activitatea ligatâ di cercetarli lingvistiți ti Armân’il’i dit Balcani
Cornelia Golna – ti cartea Eroi pătați
Maria Bara, ti apriduțearea ti anami pi armâneaști, ti cartea Iroi lăspusiț”
Dini Trandu ti Academia și Vivlioteca Armâneascâ
Elena Gheorghe ti promovarea a muzicâl’ei armaneasca la marli Concertul “Luna Alba” si pi tuta media
Diplomi di tin’ie ti muzica armâneascâ și media.
Sirma Guci – ti căntițli ti ficiuriț
Sofia Vasilescu-ti dauli ansambluri di căntic și gioc armânescu și promovarea tu lumi
Dimitri Coconis – ti Video CD : Dit arhiulu al Dimitri Coconis
Armânamea Media-ti dari curayiu ti Media armâneascâ tu aestu kiro Diploma ti tuti cilastârerli di până tora si ti duțeari må largu a lucurlui
Ti Suțata Armâneascâ di Veria – ti tut lucurlu și ti piesa di teatru “Cuscra pîrvuljiatâ”
Ti Thede Kahl – ti studiili ti Arman’i dit Balcan’i și macsus platforma Vlahii
Lucia Butcaru – ti masturlâchea ti adrari stran’i armânești
Kira Hagi-ti promovare portu armânescu la expoziții multiculturali
Andon Hristo ti sccuteari armâneaști cartea al Tanas Medi și ti Media armâneascâ.
Sursa: Redacția armâneascâ RRI
