(Costa Guli)
Aclo, iu țerlu şi-ari cu loclu-andîmîsita Iar
soarli t-ună-amari di focu îşi chiari torlu,
Aclo, iu-i caplu ş-niți nu easti bitisita,
I sinur nău. Acloți, pi scamnu sta Nizborlu.
Aclo, iu țerlu ncl’idi a ocl’ilor videari
Şi anangîsea nu treați didindi di citie,
Aclo, iu s-dînîseaşti a vimtului puteari, I altu nomu.
Acloţi-i irini şi-armunie.
Aclo iu țerlu mpadi dipuni ş-başi loclu,
Ş-tu malămă di piri anoatî-ascîpitatlu,
Aclo, iu-i isihie ş-tîțerli-ascundu-agioclu, I altu locu.
Acloți, tacu plîngul şi uhtatlu,
Ş-nu poati mintea s-trecă di sinurlil’i di focu: Aclo, umutea ñi-easti ta s-ñi-aflu şi-eu un loc.
